КОНЕЧЕН РАСПОРЕД ЗА ФАЗА 3

КЛИКНЕТЕ ОВДЕ за да го симнете конечниот распоред на обуки од Фаза 3, каде што има информации за досегашниот тек на обуките и за закажаните обуки до крајот на оваа Фаза. Од предвидените 54 обуки во Фаза 3, досега се одржаа 50 обуки, а за останатите 4 обуки термините се дефинирани и ќе се одржат до крајот на месец Септември.

Со новиот циклус на обуки, во кој уште еднаш ќе бидат повикани на обука сите наставници по математика, физика, хемија, биологија и географија, ќе започнеме при крајот на месец Ноември.

ПЕП тимот на Компонентата за унапредување на наставата по математика и природна група предмети, Ви посакува успешна учебна 2009/2010 година.

Започнуваат обуките од Фаза 3

Во рамките на Фаза 3 од компонентата за Унапредување на наставата по математика и природни науки предвидено е да се одржат 54 дводневни обуки за училиштата вклучени во Фаза 3. Досега се одржаa 47 обуки, а дефинирани се термините за останатите 7 обуки, кои ќе се одржат до крајот на Септември.
Групите за обука ги имаме организирано на регионално ниво. Овој начин на групирање на општините во региони е со цел формираните групи за обука да бидат што е можно покомпактни. Кликнете овде за да го видите начинот на кој ги имаме групирано општините по региони.
Од табелата ФАЗА 3 РАСПОРЕД ќе можете да се информирате за планираните, закажаните и одржаните обуки. Во оваа табела има податоци за предметот и јазикот, регионот и бројот на групи за обука по секој предмет и на секој јазик во регионот, како и за местото(градот) и датумот на одржување на закажаните и одржаните обуки. Притоа, предвидените, закажаните и одржаните обуки се обележани со соодветна боја за да имате полесен преглед на информациите

Tабелата ФАЗА 3 РАСПОРЕД постојано ќе биде надополнувана со нови информации, така што Ве молам повремено да ја симнувате и да се информирате.

Исто така, вреди да се напомене дека е планирано наставниците на турски и српски наставен јазик, да ги посетуваат обуките на македонски јазик во соодветниот регион кај што се наоѓа нивното училиште, но доколку постои желба кај некој од нив дозволено е обуката да ја следат и на албански наставен јазик

Се надеваме на успешна соработка.

ПИТАГОРОВА ТЕОРЕМА низ песна

Учениците од седмо одделение во Основното училиште “11 Октомври” во Скопје водени од наставникот по математика Јордан Дудески и наставникот по музика Звонимир Атанасов ја открија и ја научија питагоровата теорема.

Учениците беа ангажирани со манипулативни активности во откривањето на теоремата, преку песна ја научија, а под водство на наставничката по информатика Ирина Иванова шестооделенците Давид Малинковски и Никола Торбoвски направија анимација на теоремата.

Подолу погледнете видео-клип со песната, видео-клип со анимацијата и фотографии од активностите на учениците.

ФАЗА 3 ОД КОМПОНЕНТАТА

При крај се подготовките за отпочнување на обуките со училиштата од Фаза 3. Во овие обуки Во Фаза 3 се вклучени останатите 182 училишта коишто досега не беа опфатени во компонентата за Унапредување на наставата по математика и природни науки.
Планирано е обуките да започнат во месец Април и да траат до Септември. Ве повикуваме почесто да го посетувате нашиов блог, каде ќе можете да се информирате за планираните и закажаните обуки.

Начинот на кој планираме да Ве известуваме и да комуницираме можете да го забележите ако ги погледнете претходните информации на блогов, кои најчесто беа наменети за училиштата вклучени во Фаза 2.

Кликнете овде за да го симнете списокот на 182 училишта вклучени во Фаза 3 од компонентата за Унапредување на наставата по математика и природни науки.

Се надеваме на успешна соработка.

Вклучете се на ПЕП натпреварот “Еколошка машина која пренесува енергија“

Проектот за основно образование организира натпревар меѓу училиштата за изготвување “Еколошка машина која пренесува енергија“ .

Покануваме тимови составени од 10-12 ученици, водени од наставник по физика и и уште еден наставник од Вашето училиште да осмислат и изградат “Еколошка машина која пренесува енергија“. За наставниците по физика од училиштата коишто ќе се пријават на натпреварот ќе организираме еднодневна обука.

Изготвените машини ќе бидат вреднувани од ПЕП комисија и најдобрите тимови на регионално ниво ќе бидат поканети да ги претстават своите машини на информативната регионална кампања која ПЕП ќе ја организира во април.

Кликнете овде за симнување на подетални информации за натпреварот, а кликнете овде за да го преземете формуларот за пријавување

Секое училиште може да се пријави со еден тим. Пријавите испратете ги по електронска пошта на адрeсите наведени во пријавата. Краен рок за доставување на пријавите е 16. февруари.

Фотографии и видео-клип од пилотирањето на оваа активност во основното училиште “Христијан Тодоровски Карпош” во Скопје, може да видите подолу.

“Еколошка движечка машина”

Во периодот од 17 до 23 декември, д-р Џеф Новак од универзитетот во Индијана повторно беше во Македонија. Покрај активностите со дел од обучувачите по физика, советници од Бирото за развој на образованието, под негово водство се реализира активност за изработување на “Еколошка движечка машина”.

Имено, 20 ученици од основното училиште Христијан Тодоровски Карпош во Скопје, заедно со наставниците по физика и техничко образование, на 19 декември работеа околу 5 саати на изготвување на “машината”, составена од 5 дела, низ која поминува механичката енергија за однапред дадено време. На фотографиите може да се види процесот на изработка на деловите на машината и целата машина, додека на видео-клипот може да се види како функционираше “Еколошката движечка машина”.

Втората фаза пред крај

Престојниот викенд во Куманово ќе се одржи и последната обука во рамките втората фаза од компонентата за Унапредување на наставата по математика и природна група предмети. Тоа ќе биде обука по географија на албански јазик за наставниците од Скопје и Североисточен регион.
Кликнете овде за да го симнете распоредот, каде што можете да го видите конечниот изглед на сите досега одржани обуки.
Со ова ќе биде завршена втората фаза, а веќе почнаа подготовките и за третата фаза, каде ќе бидат вклучени сите останати училишта во Република Македонија, кои досега не беа дел од првата или втората фаза.

Распоред со најнови информации

До крајот на втората фаза од реализацијата на обуките во рамките на компонентата за Унапредување на наставата по математика и природна група предмети, останаа уште 9 обуки. Од нив за време на престојниот викенд предвидено е да се одржат 7 обуки. Едната од преостанатите 2 обуки по географија на албански јазик ќе се одржи за време на следниот викенд 19-20 Декември, додека последната обука, ќе се одржи за време на зимскиот распуст, а терминот дополнително ќе биде објавен.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Известување за распоред на обуките

Обуките во рамките на компонентата продолжуваат со предвидениот интензитет. Изминатиов викенд се одржаа трите закажани обуки, а во меѓувреме се дефинираа термините уште за 3 обуки. Од преостанатите 17 обуки засега дефинирани се 15 термини, додека останатите 2 термини наскоро ќе бидат одредени.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Најнова информација

Во досегашната реализација на обуките од втората фаза во рамките на компонентата за Унапредување на наставата по математика и природна група предмети, се одржаа 35 од предвидените 55 обуки. Од преостанатите 20 обуки засега дефинирани се 15 термини, додека останатите 5 наскоро ќе бидат одредени.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Најнов распоред на обуки

Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

е-Вести за компонентата

Овие ПЕП е-Вести се однесуваат на активностите на компонентата Унапредување на наставата по математика и природни науки.

Поради големиот интерес за нашите активности, одлучивме во првиве е-Вести да Ви дадеме краток преглед на она што го планираме во периодот 2008-2009 година. Исто така ќе Ве информираме и за интересни приоди во поучувањето.

Кликнете овде да го симнете првото издание на е-Вестите на македонски јазик.

Кликнете овде да го симнете првото издание на е-Вестите на албански јазик.

3 oбуки во регионот Североисток

Закажани се обуките по математика на македонски и на албански јазик и обуката по хемија на македонски јазик, во регионот Североисток. Обуките по хемија и математика на македонски наставен јазик ќе се одржат на 28-29 Ноември, додека обуката по математика на албански јазик ќе се одржи на 5-6 Декември. Предвидено е обуките да се одржат во Куманово.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Дефинирани уште 3 термини за обуки

Дефинирани се термини за 3 обуки, кои ќе се одржат при крајот на Ноември и почетокот на Декември. Имено, на 28-29 Ноември, во просториите на СУ "Лазар Танев" - Скопје ќе се одржи обуката по математика на македонски јазик за наставниците од Скопје, кои не беа поканети на обуката организирана во текот на месец Август. Исто така, на 5-6 Декември во Тетово ќе се одржат обуки за наставниците по хемија, од регионот Полог, на македонски и албански наставен јазик.
Секако, можно е во меѓувреме да се закаже уште некоја обука за периодот што следи, а секоја нова информација навремено ќе биде објавена на блогот.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Закажани 5 обуки во регионот Североисток

Дефинирани се термините за 5 обуки кои ќе се одржат во текот на месец Ноември во регионот Североисток. Место на одржување на овие обуки ќе биде Куманово. Обуките кои се на македонски јазик се однесуваат само на наставниците од регионот Североисток, додека пак обуките на албански јазик освен за наставниците од регионот Североисток, се однесуваат и на наставниците на албански јазик од Скопје и од ОУ "Тодор Јанев" од Чашка.
Секако, можно е во меѓувреме да се закаже уште некоја обука за периодот што следи, а секоја нова информација навремено ќе биде објавена на блогот.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Најнова информација

Досега предвидените обуки во целост се реализираа. Од закажаните обуки за наредниот период дојде до поместување на обуката за географија која требаше да се одржи во периодот 31 Октомври до 1 Ноември во Куманово, за наставниците од регионот Североисток. Оваа обука ќе се одржи во текот на месец Ноември.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Надополнета информација

Дефинирано е во периодот, 31 Октомври до 1 Ноември, да се одржи обуката по биологија на македонски јазик во регионот Пелагонија. Секако, можно е во меѓувреме да се закаже уште некоја обука за периодот што следи, а секоја нова информација навремено ќе биде објавена на блогот.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Моменти од обуката за обучувачи по математика

Во извонредно пријатна и работна атмосфера, минатата недела се одржа обука за обучувачи по математика, каде што се работеше на подготовка на агенда, содржини и материјали, кои ќе се користат за време на вториот циклус на обуки по математика во рамките на компонентата за Унапрердување на наставата по математика и природна група предмети.

Закажани уште 2 обуки по географија

Покрај двете обуки во Југозападниот регион кои ќе се одржат во Струга од 17-18 Октомври, дефинирани се термините и за уште 2 обуки по географија на македонски наставен јазик. Првата од нив предвидено е да се одржи во периодот 24-25 Октомври, во Кавадарци, за наставниците од регионот Југоисток + Вардар, додека втората ќе се одржи во периодот 31 Октомври до 1 Ноември, во Куманово, за наставниците од регионот Североисток.
Секако, можно е во меѓувреме да се закаже уште некоја обука за периодот што следи, а секоја нова информација навремено ќе биде објавена на блогот.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Дефинирани уште 2 термини

Во изминативе неколку дена се дефинираа уште 2 термини за обуки од Фаза 2 од компонентата за Унапредување на наставата по математика и природна група предмети. Се работи за 2 обуки по географија во регионот Југозапад, кои ќе бидат за наставниците од тој регион кои предаваат и на македонски и на албански наставен јазик. Со тоа би се завршиле сите предвидени обуки од Фаза 2 за Југозападниот регион.
Секако, можно е во меѓувреме да се закаже уште некоја обука за периодот што следи, а секоја нова информација навремено ќе биде објавена на блогот.
Кликнете овде за да го симнете најновиот распоред, каде што можете да најдете информации за сите закажани обуки во наредниот период, како и за досега одржаните и предвидените обуки.

Нов распоред на обуки

Сите закажани обуки во изминатиот период се реализираа според предвидената динамика. За наредниот период засега потврдени се термините на 2 обуки, меѓутоа очекуваме да се закажат уште неколку обуки. Веднаш кога ќе се дефинираат, информацијата ќе биде објавена и на блогот.
Кликнете овде за да го симнете распоредот, каде што можете да најдете информации за сите закажани обуки во наредниот период, како и за досега одржаните и предвидените обуки.

Трета обука за обучувачи по математика

Во рамките на УСАИД Проектот за основно образование (ПЕП), компонентата Унапредување на наставата по математика и природна група предмети организираме трета обука за обучувачи и ментори за воведување и користење современи форми и методи во наставата по математика.

Обуката ќе ја реализира нашиoт консултант од Универзитетот во Индијана, Проф. Д-р Катерин Браун, професор по методика на наставничкиот факултет во Блумингтон.

Оваа обука ја организираме во Хотел „Романтик“ во Велес на 15 и 16 октомври 2008 .

Вкупниот број на поканети учесници на обуката изнесува 27, меѓу кои советниците од Бирото за развој на образованието, професори и асистенти по методика на наставата по математика од наставничките факултети во Република Македонија и истакнати наставници обучувачи и ментори по математика.

Најнова информација за планираните активности

Кликнете овде за да го симнете распоредот, каде што можете да најдете информации за сите закажани обуки во наредниот период, како и за досега одржаните и предвидените обуки.

Електронски верзии од прирачниците за обука

Во рамките на обуките за компонентата за Унапредување на наставата по математика и природни науки, сите учесници добиваат прирачник по соодветниот предмет, коишто можат да им служат како помагала при реализацијата на наставата. Со оглед дека дел од наставниците предаваат повеќе од еден предмет, преку овој блог ќе им биде овозможено да ја добијат електронската верзија од прирачниците и за предметите за кои не биле на обука. Прирачниците се достапни и на македонски и на албански јазик, па со кликнување врз некој од линковите подолу го избирате јазикот на кој е напишан прирачникот, а потоа можете да го симнете бараниот прирачник според предметот.

Прирачници на македонски јазик

Прирачници на албански јазик

Исто така, во овој дел од веб страницата на Проектот за основно образование можете да симнете и видео снимки од наставни часови и дневни подготовки за наставен час поврзани со компонентата за Унапредување на наставата по математика и природни науки, како и материјали во електронска верзија коишто се поврзани со компонентата за Унапредување на оценувањето.

Моменти од обуките

Атмосферата за време на обуките по математика и физика, коишто се одржаа во текот на месец Август во Скопје.