Почитувани наставници,
Република Македонија е вклучена во Меѓународната студија за мерење на постигањата на учениците TIMSS 2011. Мерењето на постигањата ќе се реализира преку тестови на знаење по математика и природните науки, кои ќе ги решаваат учениците од 8 одделение, во по една случајно избрана паралелка, во 150 случајно избрани основни училишта во Република Македонија.
Оваа студија ја спроведува Државниот испитен центар (ДИЦ) при Министерството за образование и наука, и сите информации во врска со студијата, училиштата ќе ги добиваат од страна на ДИЦ.
Во изминативе четири години ПЕП успешно соработуваше со наставниците по математика и природни науки, со цел да ја унапредат наставата и учениците да се стекнат со вештини за критичко размислување, решавање проблемски ситуации и истражувања.
Тестовите на TIMSS, ги мерат тукму овие знаења и вештини.
Како и досега, компонентата за Унапредување на наставата по математика и природните науки, сака да излезе во пресрет на наставниците и да им помогне во постигање на што е можно повисоки резултати. Затоа, тука ги поставивме збирките од задачи кои се користеа во студијата TIMSS 1999 (во која беше вклучена нашата држава), на македонски и албански јазик, и задачите од TIMSS 2007 (во која Република Македонија не учествуваше, но учествуваше Србија) на српски јазик.
- Збирка задачи од TIMSS 1999 на македонски јазик
- Збирка задачи од TIMSS 1999 на албански јазик
- Збирка задачи по математика од TIMSS 2007 на српски јазик
- Збирка задачи по природни науки од TIMSS 2007 на српски јазик
- Збирка задачи по математика од TIMSS 1999 на англиски јазик
- Збирка задачи по природни науки од TIMSS 1999 на англиски јазик
- Збирка задачи по математика од TIMSS 2003 на англиски јазик
- Збирка задачи по природни науки од TIMSS 2003 на англиски јазик
Очекуваме дека задачите и прашањата во овие збирки ќе Ви дадат појасна слика за знаењата и способностите кои се мерат, и ќе Ви помогнат во вашите активности да ги подготвите учениците за ова тестирање.
Ве поздравуваме и Ви посакуваме постигање на високи резултати.
ПЕП тим за математика и природни науки
Нема коментари:
Објави коментар